Snow white Face ♥

السلام عليكم ورحمة الله وبركاته 

يسعد مساكم ♥

امنية كل بنت يكون جسمها لون واحد مافيه اي تصبغات او مناطق سمراء

وامنية كل سيدة تبان اصغر من عمرها الحقيقي .. ويكون وجهها خالي من علامات السن 

راح اكتب لكم عن افضل منتجين ( عن تجربة )

..(1)..

الكريم السحري ( اكثر من دكتور جلدية سماه هذا الاسم )

اسمه العلمي : Tritenoin 

اسمائه التجاريه : retin A , acretin 

شكل من اشكال فيتامين A يجي على شكل جل او كريم

مميزاته : 

1- ( يساعد الجلد يجدد نفسه ) لانه يحفز الكولاجين ويعطي البشرة نضاره 

2-  يعالج حب الشباب و الرؤوس السوداء 

3- يقلل الخطوط الصغيره ( التجاعيد) لانه يحفز الكولاجين ومصنف ك مكافح للشيخوخه 

( يعطي البشرة عمر اقل ب عشرة سنوات من عمرها الحقيقي ) مع الإستمرار في الاستخدام طبعاً

4-يساعد في تقليل التصبغات 

 5- يساعد في تخفيف stretch marks بس لما تكون حمراء قبل ماتتحول للبيضاء !!
6- يخفف ظهور المسامات فالجلد 

7- رخيص  هذا شي جدا مهم لان اغلب كريمات الجلديه اسعارها غالية لانهم اضافو عليها اضافات نباتيه 

فـ يكون مفعولها ابطئ من الاكريتين ..

تنبيهات مهمه :
1- بداية استخدامك للاكرتين راح تسوء حالة بشرتك اول ( اسبوعين - 3 اسابيع ) لا توقفيه وراح تختفي
الحبوب والاثار والاحمرار وكله .. وحتبداي تشوفي تحسن ملحوظ !

2- اذا عندك اي مشكله جلدية لازم تراجعي دكتور جلديه قبل استخدامه 

3- ماينفع ينحط على جلد متضرر او فيه مشاكل ( اكزيما - حروق الشمس ) وغيرها ..

4- ماتحطيه قرب العين و الفم 

5- واقي الشمس مهم مره .. لانه يخلي الجلد حساس من اشعة الشمس وممكن يسبب حكه واحمرار 

6-لا يستخدم في الحمل والرضاعه .
7- لأفضل النتائج استمري عليه 3 اشهر.

طريقة الاستخدام : 

الكمية نفس الصورة (للوجه ) وتستخدمية لمدة ٥ اشهر ع الاقل .. لافضل النتائج وممكن يكون روتين يومي للابد

لانه ماله اضرار جانبيه .. لعدم احتوائة على كورتيزون، عشان كذا سموه ( سحري )

تحطيه مساء قبل النوم افضل وقت ..

متوفر في جميع الصيدليات الحكومية والخاصه 

مستخدمين الروكتان : 

ممكن تستخدميه بعد انتهاء الكورس .. مو معاه ! 

لانه ح يزود لك الاثار الجانبيه للروكتان واهمها الصدااااع. 

بعد انتهائك من الكورس ممكن تحطيه مرتين فالاسبوع ك حماية للبشره من ظهور حبوب جديده 

نصيحة : 

في الاغلب راح يحمر وجهك و تحسي بحرقان ( من التقشير ) وافضل طريقة لتفادي هذي المشكله تخلطي الكريم 

مع اي نوع مرطب ( غير عطري ) مثل الفازلين .. وتستخدمي واقي شمس الصبح بنسبة ترطيب عاليه برضو غير عطري ماينفع ترطبيه الصبح بالفازلين لانه يسمر البشرة مع الشمس ..

..(2)..

اسمه العلمي : Hydroquinone 4%

اسمائه التجارية : Avoquin , Hiquin

فوائده : 

1- يعالج التصبغات في الجلد (الركب- الاكواع-الرقبه-بين الفخذين-الإبط)

2- يعالج الكلف 

3- يعالج النمش

من اكثر المبيضات اماناً إن شاء لله .. لانه ما يحتوي على كورتيزون لكن ماينفع تستخدميه لاكثر من 4 اشهر

لانه زي اي علاج زيادته تضر ( حسب دراسات امريكيه ) 

طريقة الاستخدام : 

تستخدميه مره يومياً وماتتعرضي بعدها للشمس .. وتعملي مساج للمنطقه لين تحسي الجلد امتص الكريم

واذا حابه نتيجة سريعه ممكن تستخدميه مرتين يومياً ..ولا تنسي الواقي في الصباح شي ضروري.

متوفر في جميع الصيدليات الحكوميه والخاصه سعره تقريبا 26 ريال .

بالاخير : 

اذا عندك اي مشكلة جلديه لازم تراجعي الدكتور وما تستخدمي الكريمات الا بعد استشارته

وممنوع طبعا في حالة الحمل والرضاعه .. ولا مع حبوب منع الحمل 

او اي علاج هرموني ..!!

وفي حالة التحسس لازم توقفيها فوراً .. لـ إختبار الحساسيه ممكن تحطي الكريم على منطقه صغيره 

وتراقبيها 24 ساعه .. اذا مافي مشكله تقدري تستخدميه على الاماكن

 اللي تبغيها وانتي متطمنه.

نتمنى تكونو استفدتو من الموضوع
تعليقاتكم وارائكم تهمنا وتسعدنا ♥ 

(إن اصبنا فـ من الله .. وإن اخطئنا فـ من أنفسنا )