تنسيقات رمضانية

السلام عليكم ورحمة الله وبركاتة

رمضان كريم وينعاد علينا وعليكم بالصحة والعافية ♥

الشهر اللي نستناه بكل شوق كل عام جاء بـ اجواءه الروحانيه سبحان الله 

غير غير بكل شي حتى الروتين يتغير ٣٦٠ درجة .. وحلو نغير ستايلنا في مناسبات هذا الشهر ونتماشى 

مع الطابع الرمضاني .. حبيت اعرض عليكم تنسيقات رمضانيه 

 ٤ لوكات تناسب (عزايم كبيره- جمعات بسيطة)

Look 1 

مع الصيف مو حابين جلابيات ثقيله ف فكرت اخيط تنوره خفيفه قصيره (تحت الركبه) 

من قماش الروز واخترت اللون الاسود سويتها بكسرات بسيطه ، كلفتني التنوره اقل من ١٠٠ ريال !

 رغم اني شفتها عند تاجرات الانستقرام ب اسعار !

تفاصيل اللوك: 

التنوره : خياطة 

البلوزه: Stradivarius

العقد: ZARA اعتقد 

الصندل : Stradivarius

الشنطه: Michael Kors

تقدري تغيري البلوزه ب تي شيرت ابيض او بينك حسب ماتحبي وستايلك 

وهنا غيرت الشوز لو حبيتي تفخمي اللوك 

الهيلز Steve Madden 

Look 2

كثير بنات مايحبو الستايلات الرمضانيه ولبسهم كاجوال وهذا اللوك حيناسب ذوقهم

تفاصيل اللوك : 

البلوزه h&m 

البنطلون: Red herring (دبنهامز)

الاكسسوار : Moon Soon 

الشوز : قبل ٤ سنوات خطرت لي فكرة ابغة شوز بهذي الالوان والنقشه وطبعا مالقيت 

فقررت اشتري القماش و اشتري شوز و ألبّسه عند خياط ! وهذي النتيجة 

صراحه كثير احبببه ♥♥ ونفعني في اوقات كثير يكسر اي لوك روتيني ويخليه انيق وغريب

زي ما تشوفو اعطى ل اللوك طابع رمضاني رغم انه جينز وبلوزه ! 

Look 3

Cape من الاردن 

بس فيه كثير في السوق مشابه له 

الصندل: ZARA

الشنطة: Michael Kors

الخيارات مفتوحه قدامك تقدري تلبسيه على جينز او سكيني اسود و بودي اسود لانه مليان الوان مايحتاج زيادة. 

Look 4

هذا اللوك ينفع للعزايم الكبيره .. 

البلوزه :Stradivarius 

البنطلون: من مصممه إماراتية قبل خمس سنوات نسيت اسمها صراحه 

الهيلز : Red herring (دبنهامز)

الشنطة: Lv 

الاكسسوار: forever21

تقدري تغيري ستايل البلوزه على حسب ذوقك والمناسبه بس احلى تكون ساده لان البنطلون 

مليان شغل و الوان 

صورة اوضح لموديل البنطلون 

بالاخير ... 

اي لوك حبيتيه اكثر ؟ واي لوك قريب من ستايلك ؟!

وكل عام وانتم بخير♥