DermaRoller حل جميع مشاكل بشرتك ..

السلام عليكم ورحمة الله وبركاته ♥

Derma roller

رغم كثرة طرح الموضوع في كل مكان بس لين اليوم فيه ناس ماتدري ايش يعني

او تقول الاسم مو غريب عليا وتعتقد انه كريم او جهاز ..

توريد الشفايف

السلام عليكم 

عيدكم سعيد مقدماً وقبل الناس ♥

المشكله اللي حتكلم عنها اعاني انا وانتي وكل بنت تقريبا منها (شفايف غامقه او غير متوحدة اللون )

وهذا الشي سببه فالاغلب المستحضرات اللي نستخدمها زي الارواج الثابته 

اللي سارت الشركات تتنافس في اطلاقها ..

ليش الارواج الثابته تسبب سواد الشفتين ؟ 

لان فيها كميات عاليه من الرصاص وهو السبب في الثبات و السبب في تغير لون الشفايف

وفيه اسباب كثيره طبعا بس الاغلب حيكون بسبب هذا الشي ..

الكل لما فقد الامل بالتقشير الطبيعي ( سكر+زيت زيتون او عسل ) حاول يلجئ للطرق الطبيه

ليزر وبلازما و ميزو وغيرها .. لعلاج هذي المشكله 

طبعا التكلفه مكلفه بالنسبه للنتيجة اللي ماتدوم اكثر من 6 شهور هذا بالاضافه 

للالم المصاحب لها !

مره وانا اتصفح الانستقرام قريت في حساب دكتور جلديه كويتي إسمه د.طلال المحيسن 

كاتب معلومه عجيبه قال الدكتور ان هذا الكريم هو العلاج الوحيد للشفايف 

العجيب ان هذا الكريم يعالج الاكزيما الشديده والبهاق !

طريقة استخدامه : 

3 مرات يومياً ممكن تستخدميه من 4-5 اشهر بس في حالة وصلتي للنتيجه اللي تبغيها 

توقفي وتستمري على الترطيب فقط ..

(ممكن يستخدم للسواد حول الفم مو بس سواد الشفايف )

طبعا قررت اجرب هذا الشي .. ولقيت متبرعه تجرب وتشاركني تجربتها بالصور  

وهذي النتيجة بعد إستخدام شهر..

(شفايف صحبتي قبل وبعد )

كانت تحس بـ لسعات بسيطه على شفايفها ولاحظت الفرق بعد اول اسبوع 

وفيه إمتلاء واضح في حجم الشفه 

مااتحملت صراحه مااشارك النتيجة معاكم لانها فعلاً مبهره ماشالله تبارك الله 

وغير مكلفه ابدا ولا مؤلمه .. 

نصيحة :
بعد انتهائك من تفتيح الشفايف ووصولك للنتيجه اللي تبغيها حاولي تداومي على ترطيبها 

بمكونات طبيعيه ( مرطبات شفايف بالعسل او فيتامين E او زيت جنين القمح او زبدة الشيا)

ابعدو عن الفازلين واللابيلو

تنبيهات هامة : 
1- لا تستخدميه لو انك حامل او ترضعي
2- اسألي دكتورك لو تستخدمي علاجات اخرى
3-داومي على استخدام واقي شمس على الشفايف اثناء وبعد الاستخدام 

بالاخير ..

ادعو لصديقتي صاحبة الشفايف الورديه اذا استفدتو ربي يوفقها ويسعدها 

شاركونا اسئلتكم و استفسارتكم هنا او ع الانستقرام 

@Sukar.Buhar 

Snow white Face ♥

السلام عليكم ورحمة الله وبركاته 

يسعد مساكم ♥

امنية كل بنت يكون جسمها لون واحد مافيه اي تصبغات او مناطق سمراء

وامنية كل سيدة تبان اصغر من عمرها الحقيقي .. ويكون وجهها خالي من علامات السن 

راح اكتب لكم عن افضل منتجين ( عن تجربة )

العناية بالمنطقة الحساسة

السلام عليكم ♥

حبيت اليوم اتكلم عن شي يهم كل أنثى تهتم بنفسها و بنظافتها الشخصية

كثير اسمع ناس عندهم تخوفات من استخدام غسول المنطقة الحساسة 

-بالحرف الواحد تقول مو كويس-

لكن ماعندها مشكلة تستخدم الصابون العادي لغسل المنطقة وهذا غلط 

ليه ؟ لأن المنطقة الحساسة تعتبر وسط حمضي و لازم تظل بدرجة معينة

حتى تحافظ على صحتها و صحة البكتيريا النافعة الي تنمو فيها وحتى ما تصيبها التهابات 

والصابون مادة قلوية تقلل حموضة المنطقة

طيب اش مميزات الغسول الطبي ؟

  أولا الغسول لطيف جدا على البشره مارح يسبب تهيج او تحسس للبشرة

 كمية الصابون جدا منخفضة و في انواع  ماتحتوي على صابون بالاساس

بالتالي الحموضه ماتتأثر 

يرطب المنطقة و هذا شي ما يسويه الصابون العادي

احساس بالنظافة والانتعاش طبعا

كيف استخدمه ؟

عن نفسي استخدمه -خارجياً- كل ما اتحمم للمنطقه او كل ماحسيت بالحاجه يعني ماهو دوا لازم كل يوم 

يعني زي ما يقولوا اسمعي لجسمك اش محتاج

و اذا جسمك ما بيقول لك شي ف ثلاث مرات بالاسبوع كويسه 

-تنبيه-

 انا اتكلم عن الغسولات الخارجية لان في انواع مهبليه وهذي غالبا توصف لو عندك التهابات او مشاكل طبية

نجي لتجربتي للغسولات جربت من قبل انواع كثيره بس اكثر اثنين ارتحت عليهم 

سيباميد/Sebamed 

لطيف كان و فيه ريحة ورد خفيفة جدا 
حتى الدكتورة كتبت لي هو بعد ولادتي  من ضمن اشياء اخرى

فيم فريش /Femfreash

 جدا جميل و فعلا احس بالنظافة و ريحته حبيتها 

 يحتوي على خلاصة الصبار للترطيب وهذا شي ملموس

في الاخير اختيارك للغسول المفترض يكون حسب ما يناسبك 

مادام طبي و مخصص للمنطقة هذه. 

شي ثاني حلو الأم توعي بنتها على هذه الامور قبل البلوغ
ومن ضمنها حلق شعر المنطقة فهو سنة. انا مو مع استخدام الحلاوة او الشمع لمثل هذي المناطق 
 طريقة جدا قاسية و مؤلمة والجلد يترهل و تخلي البنت تشيل هم 

بعدها لازم تستخدم كريم يهدي المنطقه مثل بيبانثين آمن حتى للاطفال لانه عباره عن برو-فيتامين ب5

وظيفته يرطب و يساعد التئام الجلد و تكوين خلايا جديدة صحية ف السواد ان شاء الله مارح يكون مشكلة

 استخدام مسك الطهارة بعد الدورة الشهرية فهو سنة أولا. و ثانيا له تأثير مطهر و شي جميل تتعودي عليه. انا شخصيا استخدم الاسود و الابيض بس عموما اعشق ريحة المسك الابيض


اتمنى البوست يكون مفيد لكم 

اذا حبيتو هذا النوع من المواضيع او عندكم استفسارات اكتبوها لنا 

و نشوفكم على خير

CLARINS Products | منتجات كلارنس

السلام عليكم ورحمة الله وبركاته 

يسعد مساكم جميعاً ♥

حبيت اشارككم اليوم بتجربتي مع الماركه الطبيه الفرنسية ( Clarins ) 

جربتها اول مره قبل 8 سنوات .. ولين اليوم اعشق منتجاتهم .. بما ان بشرتي حساسه + دهنيه 

كانت الخيار الامثل .. بالذات في مستحضرات التجميل !