‏إظهار الرسائل ذات التسميات Beauty. إظهار كافة الرسائل
‏إظهار الرسائل ذات التسميات Beauty. إظهار كافة الرسائل

الجمعة، 1 يوليو 2016

توريد الشفايف


السلام عليكم 

عيدكم سعيد مقدماً وقبل الناس 

المشكله اللي حتكلم عنها اعاني انا وانتي وكل بنت تقريبا منها (شفايف غامقه او غير متوحدة اللون )
وهذا الشي سببه فالاغلب المستحضرات اللي نستخدمها زي الارواج الثابته 
اللي سارت الشركات تتنافس في اطلاقها ..

ليش الارواج الثابته تسبب سواد الشفتين ؟ 
لان فيها كميات عاليه من الرصاص وهو السبب في الثبات و السبب في تغير لون الشفايف
وفيه اسباب كثيره طبعا بس الاغلب حيكون بسبب هذا الشي ..

الكل لما فقد الامل بالتقشير الطبيعي ( سكر+زيت زيتون او عسل ) حاول يلجئ للطرق الطبيه
ليزر وبلازما و ميزو وغيرها .. لعلاج هذي المشكله 
طبعا التكلفه مكلفه بالنسبه للنتيجة اللي ماتدوم اكثر من 6 شهور هذا بالاضافه 
للالم المصاحب لها !

مره وانا اتصفح الانستقرام قريت في حساب دكتور جلديه كويتي إسمه د.طلال المحيسن 
كاتب معلومه عجيبه قال الدكتور ان هذا الكريم هو العلاج الوحيد للشفايف 
العجيب ان هذا الكريم يعالج الاكزيما الشديده والبهاق !


طريقة استخدامه : 
3 مرات يومياً ممكن تستخدميه من 4-5 اشهر بس في حالة وصلتي للنتيجه اللي تبغيها 
توقفي وتستمري على الترطيب فقط ..

(ممكن يستخدم للسواد حول الفم مو بس سواد الشفايف )

طبعا قررت اجرب هذا الشي .. ولقيت متبرعه تجرب وتشاركني تجربتها بالصور  
وهذي النتيجة بعد إستخدام شهر..


(شفايف صحبتي قبل وبعد )

كانت تحس بـ لسعات بسيطه على شفايفها ولاحظت الفرق بعد اول اسبوع 
وفيه إمتلاء واضح في حجم الشفه 

مااتحملت صراحه مااشارك النتيجة معاكم لانها فعلاً مبهره ماشالله تبارك الله 
وغير مكلفه ابدا ولا مؤلمه .. 

نصيحة :
بعد انتهائك من تفتيح الشفايف ووصولك للنتيجه اللي تبغيها حاولي تداومي على ترطيبها 
بمكونات طبيعيه ( مرطبات شفايف بالعسل او فيتامين E او زيت جنين القمح او زبدة الشيا)
ابعدو عن الفازلين واللابيلو

تنبيهات هامة : 
1- لا تستخدميه لو انك حامل او ترضعي
2- اسألي دكتورك لو تستخدمي علاجات اخرى
3-داومي على استخدام واقي شمس على الشفايف اثناء وبعد الاستخدام 

بالاخير ..
ادعو لصديقتي صاحبة الشفايف الورديه اذا استفدتو ربي يوفقها ويسعدها 
شاركونا اسئلتكم و استفسارتكم هنا او ع الانستقرام 
@Sukar.Buhar 




الجمعة، 3 يونيو 2016

CLARINS Products | منتجات كلارنس


السلام عليكم ورحمة الله وبركاته 
يسعد مساكم جميعاً 



حبيت اشارككم اليوم بتجربتي مع الماركه الطبيه الفرنسية ( Clarins ) 
جربتها اول مره قبل 8 سنوات .. ولين اليوم اعشق منتجاتهم .. بما ان بشرتي حساسه + دهنيه 
كانت الخيار الامثل .. بالذات في مستحضرات التجميل !

الثلاثاء، 24 مايو 2016

مقارنة بين أشهر فيتامينات الشعر ( Hairfinity و Biotin ... وغيرهم )






السلام عليكم ورحمة الله وبركاته 


صادفت بداية الاجازة  مع قرب العيد .. فالكل شاد حيله كل بنت بدأت تهتم ببشرتها و"شعرها" بشكل مكثف 
 فحبيت اتكلم عنه من ناحية علمية شويه بعيدة عن كلام الدعايات اللي مليان في السوشيال ميديا .. 


اول شي لازم نعرف معلومة مهمه ان الطبيعي تساقط من ٥٠ الى ١٠٠ شعره يومياً
وبالمقابل تنمو من ٥٠ الى ١٠٠ شعره في رأسك يوميا..