السلام عليكم ورحمة الله وبركاته
لنا فترة ماحطينا موضوع طبي .. اليوم بنتكلم عن الاوميقا الثري او زيت السمك زي مو الاغلب يعرفه بهذاالاسم
يختلف عن زيت كبد الحوت !
كثير ناس يتوقعو ان الفيتامين هذا يزود الكولسترول والدهون فالجسم و يسبب السمنه وزياده الوزن
من شكل الحبه (كبسولة جيلاتينيه زيتيه )
او من الاسم ..
وهذا اعتقاد خاطئ جدا
ايش هو الاوميقا ثري Omega 3 ؟
عبارة عن احماض دهنية غير مشبعه تستخلص من بعض انواع السمك والجزء الثاني من بعض البذور
تجي على شكل كبسولات جيلاتينية داخلها مادة زيتيه
وهي عبارة عن3 اجزاء مهمه :
EPA – DHA and ALA
موجود بصورة طبيعية في / التونا والسلمون والسردين والكافيار
فول الصويا والسبانخ
اهم فوائد Omega 3 الصحية :
· يخفض الكولسترول الضار
· يقلل الإلتهابات عموماً فـ يخفض الاعراض لـ مرضى rheumatoid arthritis إلتهاب المفاصل
· يساعد فـ خفض الضغط ويقوي عضلات القلب
· يساعد في مقاومة الجسم للربو
· يساعد في تأخر تدهور حالات الزهايمر و السرطان والكرون
· يقلل مقاومة الجسم للانسولين عند مرضى السكر
· يقوي المناعة جدا جدا
· ممتاز لزيادة الخصوبة عند المرأه والرجل
· يحسن المزاج ( يساعد في علاج مرضى الإكتئاب)
· يزود الطاقه .. يعني لو عندك خمول وفيتامين دال طبيعي عندك جربي الاوميقا ثري
فوائد omega 3 الجمالية 
:
· قلته في الجسم ممكن تسبب قشرة للشعر , وتساقط
· اخذه مع الكريمات اللي وصفها لك دكتور الجلدية ممكن يساعد في علاج الاكزيما
· ممتاز لحالات حروق الشمس وبخفف الالتهابات الجلدية عموماً
· يساعدك في خسارة الوزن .. طبعا مو لحاله عشانه مو سحر .. اكيد مع نظام غذائي ممتاز ورياضه
لانه يساعدك في خسارة الدهون
· مقوي للاظافر والشعر
· يعطي الجسم لمعه ونعومه وترطيب
· يساعد في علاج حب الشباب ( يخفف من إحمرارها وإنتفاخها ) الملتهبه طبعا
مهما كتبت ماراح اكتب كل شي عنه لانه كل يوم بتصير دراسات جديدة ويكتشفو فوائد جديده
بس حبيت ا نبه على نقطة مهمه وهي انه الاوميقا 3 مو سحر عشان يعالج هذا كله .. لا طبعا .. !!
اشرح لكم بـ اختصار مثــــــال
مجموعة دكاترة عملو دراسة على مريضين لهم نفس الضغط العالي ..
اعطوهم علاجات الضغط الملائمه لحالتهم .. واعطو 1 فيهم بس اوميقا ثري بالاضافه
الى علاجات الضغط ..
بعد شهر لاحظو ان الضغط منتظم اكثر عند اللي اخذ الاوميقا ثري اكثر من المريض الثاني
رغم ان علاجاتهم نفسها ..
هذا مثال بسيط عشان تفهمو فوائده .. وينطبق على كل الحالات
يعني هو عنصر مساعد في علاج الامراض السابق ذكرها وغيرها كثير
أعراضه الجانبيه :
· طعم السمك فالفم
· إسهال
· غثيان
· حساسية للاشخاص اللي عندهم حساسية من السمك
· قوي ع المعدة لذا يفضل تناوله بعد الغدا
طريقة إستخدامه :
حبه يومياً لو عندك مرض صحي .. وممكن يزيد لحبتين بعد إستشارة الدكتور
واذا كان نظامك الغذائي فيه اسبوعيا وجبة سمك فالافضل تستغني عن الاوميقا 3 بالمره ..
يعني انا مثلاً ما آخذه !!
هل هو آمن ؟
للاطفال نعم .. الحوامل والمرضع نعم
لاحظو بعد الدراسات ان المرأه اللي كانت تاخذ omega 3 جاء نظر اطفالها ومناعتهم اقوى
ونفس الشي للمرضع امتد تأثيره الايجابي على اطفالها ..
طبعا لازم في كل الحالات إستشارة الطبيب لمعرفة افضل وقت لإستخدامه واذا كنتي تحتاجية او لا
وطبعا آمن على الاطفال وموجود منه على شكل حلاوة في موقع آيهرب
غير آمن
للمرضى اللي ياخذو علاجات مسيلة للدم مثل الاسبرين و الوارفرين
في النهاية
الزيادة مثل النقصان .. موع شانه مكمل غذائي اخذه من غير حساب او سبب
لانه ممكن يضر زي ماهو يفيد .. اذا نظامك الغذائي يحتوي على omega 3 من الغذاء
ما يحتاج تاخذي الكبسولات
هذا مقطع للدكتور عبدالله المطوع فيه طريقة معرفة الشركات الممتازه من التجارية
الموجودة في السوق .. سعر العلاج مو دليل على جودته للاسف
الرابط هنا
الشركه اللي فالصور جيده او مقبوله مو ممتازة ممتاز
( إن اصبت فـ من الله .. وإن اصبت فـ من نفسي )
ردحذفشركة طيوب لتسليك المجارى بالقطيف
شركة تنظيف سجاد بالجبيل